16 апреля 2012 г.
Çĕнçырмари Максимовсем хушшинче пултаруллă йĕлтĕрçĕсем сахал мар. Оля Максимова акă вăтам шкул хыççăн Шупашкара аслă шкула вĕренме кĕчĕ, пĕр вăхăтрах олимп резервĕсен шкулĕнче чупас ăсталăха ÿстерет. Кăçалхи сезонра кăна вăл республикăри ăмăртусенче 4 хутчен 1-мĕш вырăн йышăнчĕ, республика чемпионки пулса тăчĕ. Оля республикăри 30 километрлă марафонра çĕнтерсе Атăл çи регионĕнчи марафона хутшăнма тивĕçрĕ, унта 4-мĕш вăхăт кăтартрĕ.
Унăн шăллĕ Алексей Максимов та маттур. Республикăри марафонра хăш-пĕрисем дистанцие чăтса тухаймарĕç пулсан, Алексей ăна вĕçне çитичченех чупрĕ. Çапла пĕр çемьерех 2 пултаруллă йĕлтĕрçĕ ÿссе çитĕнчĕ.